İŞİD terror təşkilatı əhalini sipər kimi istifadə edir

İŞİD əl-Fəllucəni qorumaq üçün insanları canlı sipər kimi istifadə edir

İŞİD terrorçuları əl-Fəllucəni qorumaq üçün insanları canlı sipər kimi istifadə edir.

Ölkə.Az xəbər verir ki, bunu İraq Xarici İşlər Nazirliyinin rəsmi nümayəndəsi Əhməd Camal söyləyib.

Şəhərin terrorçulardan azad edilməsi üzrə əməliyyatlar bir gün əvvəl başlayıb. Bu müddət əzində İraq ordusu əl-Fəllucə yaxınlığında bir neçə yaşayış məntəqəsini azad edib. Bundan əlavə, İŞİD terror təşkilatının şəhər özəyinin rəhbəri Hacı Həmzə öldürülüb.

Əhməd Camalın sözlərinə görə, terrorçular atəşdən qorunmaq üçün məktəb, xəstəxana və yaşayış evlərində gizlənirlər.

"Şəhər əhalisi üçün ən birinci təhlükəni İŞİD terrorçuları yaradır, sadə insanlar hər gün onlarla üzləşməli olurlar. Sirr deyil ki, ekstermistlər əl-Fəllucədə olarkən kütləvi edamlar törədib və insanlığa sığmayan vəhşiliklər ediblər",- deyə o qeyd edib.

İraq təhlükəsizlik qüvələri hücum zamanı mülki əhali arasında itkilərə yol verməmək üçün genişmiqyaslı tədbirlər həyata keçirib.

Əl-Fəllucə Bağdaddan qərbdə yerləşir, İŞİD terrorçuları 2014-cü ildən şəhəri nəzarətə götürüblər. Müharibəyə qədər bu şəhərin 350 min sakini olub. Hücumdan öncə İraq ordusu əhalini şəhəri tərk etməyə çağırıb. Evdən çıxa bilməyənlərə evlərin damına ağ bayraq asmaq və döyüşçülərin bazalarından uzaqda durmaq tövsiyə olunub.

İlhamə
Ölkə.Az