Əfqanıstanda terror aktı: 10 məhkəmə işçisi həlak oldu

Əfqanıstanda 10 məhkəmə işçisi terror aktının qurbanı olub

Əfqanıstanın şərqində terrorçu kamikadzenin törətdiyi partlayış nəticəsində appelyasiya məhkəməsinin 10 əməkdaşı həlak olub.

Ölkə.Az bildirir ki, bu barədə Əfqanıstanın Daxili İşlər Nazirliyi rəsmi məlumat verib.

Daha öncə üç nəfərin öldürüldüyü bildirilmişdi.

Partlayış bu gün səhər Paqman rayonunda baş verib.Terrorçu məhkəmənin əməkdaşlarını aparan avtomobili hədəf alıb. Daha dörd nəfərin yaralandığı bildirilir.

Qeyd edək ki, "Talban" hərəkatının bir neçə üzvünün edam edilməsindən sonra terrorçular məhkəmə orqanlarının əməkdaşlarına divan tutacaqlarını bəyan etmişdilər. Əfqanıstanda son dövrlər vəziyyət nəzərə çarpacaq dərəcədə pisləşib. Ölkə ərazisində İŞİD terror təşkilatının fəaliyyəti də kifayət qədər artıb.

İlhamə
Ölkə.Az