Ukraynalı əsir pilot rus kəşfiyyatçıları ilə dəyişdirildi
Əsir ukraynalı pilot Nadejda Savçenko ilə dəyişdirilən rus hərbi kəşfiyyaçıları Aleksandr Aleksandrov və Yevgeniya Yerofeyeva Moskvaya gətirilir.
Rusiyalı hərbçilər Aleksandr Aleksandrov və Yevgeniya Yerofeyevanı Kiyevdən Moskvaya aparan An-148 təyyarəsi artıq yola çxıb.
Bu barədə Ölkə.Az Ukrayna mətbuatına istinadən məlumat verir.
Hərbçilərin yarım saat ərzində Moskvaya çatacağı gözlənilir. Öz növbəsində Ukraynanın paytaxtı Kiyevdə isə yaxınları Nadejda Savçenkonun yolunu gözləyirlər.
Xatırladırıq ki, Nadejda Savçenko Donbas səmasında vurulan Ukrayna təyyarəsinin pilotu idi və təyyarəsi vurulduqdan sonra katapultasiya edərək paraşütlə yerə düşmüş və daha sonra Donbas separatçılarına əsir düşmüşdü.
