"BMT İŞİD-lə danışıqlar aparmağa hazırdır"

Lakin təhlükəsizliyimizə təminat verilməlidir.

"BMT Suriyada bütün münaqişə tərəfləri ilə humanitar məsələlərə dair danışıqlar aparmağa hazırdır"

Bu fikri BMT baş katibinin humanitar məsələlər üzrə müavini və humanitar yardım üzrə əlaqələndiricisi Stiven Obreyen səsləndirib.

Bu barədə Ölkə.Az Anadolu Agentliyinə istinadən məlumat verir.

"Biz Suriya hökuməti və müxalifətçi qruplarla danışıqlar aparırıq. Lazım gələrsə İŞİD terror təşkilatı ilə də danışıqlar apara bilərik. Lakin, bizim təhlükəsizliyimizə təminat verilməlidir. Zəmanət verilmədiyinə görə danışıqlar haqqında söhbət getmir" deyə o, İstanbulda BMT-nin humanitar sammitində çıxışı zamanı bildirib.

S.Obayen xatırladıb ki, BMT sammitinə dünyanın 177 ölkəsinin nümayəndələri, o cümlədən 50 ölkənin dövlət və hökumət başçıları qatılıb.

"Sammitdə minlərlə vədlər səsləndi. Bu vədlərin yerinə yetirilməsi üçün siyasi iradə göstərməyin vaxtı gəlib çatıb. İstanbul sammiti vəsait toplamaq üçün çağırılmayıb. Sammitin məqsədi humanitar sahədə fəaliyyətin səmərəliliyini artırmaqdan ibarətdir",- deyə o fikrini yekunlaşdırıb.

İlhamə
Ölkə.Az