Rusiyaya qarşı sanksiyalar qüvvədə qalacaq
Avropa Şurasının sədri Donald Tusk ukraynalı pilot Nadejda Savçenkonun rus diversantlarla dəyişdirilməsindən danışıb.
Ölkə.Az xəbər verir ki, Donbasda separatçılara əsir düşmüş və daha sonra Moskvaya gətirilmiş ukraynalı pilot Rusiya məhkəməsi tərəfindən 22 il azadlıqdan məhrum edilmişdi. Daha sonra Putinin qərarı ilə Savçenko Ukraynada həbs edilmiş iki rus diversantla dəyişdirildi.
Donald Tusk bu addımı alqışladığını, amma Rusiyanın Minsk razılaşmasının bütün şərtlərini yerinə yetirməsinin vacibliyini vurğulayıb.
"Mən əminəm ki, Avropa Rusiyaya qarşı tətbiq etdiyi sanksiyaları qüvvədə saxlayacaq, çünki Rusiya Minsk razılaşmasının şərtlərini tam olaraq yerinə yetirməyib", deyə Tusk bildirib.
