Yaponiyada G7 sammiti işə başlayıb

Yaponiyanın Mie prefekturasında G7 sammiti işə başlayıb.

Bu barədə Ölkə.Az "Anadolu" agentliyinə istinadən məlumat verir.

İki gün ərzində keçiriləcək sammitdə iqtisadiyyat və ticarət məsələləri əsas müzakirə mövzusu olacaq.

Bununla yanaşı, dünyanın ən böyük iqtisadiyyatına malik 7 dövlətin liderləri investisiya siyasəti, energetika, qaçqınlarla bağl böhran, terrorrizmlə mübarizə və iqlim dəyişiklikləri ilə bağlı məsələləri də nəzərdən keçirəcəklər.

Yaponiyanın baş naziri Sinzo Abenin təklifi ilə Şimali Koreyanın nüvə proqramı və Cənub Çin dənizində Pekinin fəallığının artması problemlərinə xüsusi diqqət yetirilməsi gözlənilir.

Həmçinin, Rusiyanın Ukraynada fəaliyyəti və Yaxın Şərqdəki hadisələrə dair fikir mübadiləsi aparılacaq.

G7-nin tərkibinə ABŞ, Almaniya, Fransa, İtaliya, Böyük Britaniya, Kanada və Yaponiya daxildir. Sammitdə Avropa İttifaqı ayrıca təmsil olunub.

2008-ci ildə Xokkaydoda keçirilən sammitdən sonra bu, Yaponiyada keçirilən ilk sammitdir.

Mayın 27-də sammitin yekunları üzrə bəyannamə qəbul ediləcək.

İlhamə
Ölkə.Az