Nyu-Yorkda konsert zamanı atışma olub: ölən və yaralananlar var
Polis atəş açanların sayını və hadisənin hansı zəmində baş verməsini müəyyənləşdirməyə çalışır.
Nyu-Yorkda Irving Plaza konsert zalında məşhur reper T.İ-nin konserti zamanı naməlum şəxs atəş açıb. Hadisə nəticəsində bir nəfər ölüb, üç nəfər yaralanıb.
Bu barədə Ölkə.Az "Associated Press" agentliyinə istinadən məlumat verir.
Hadisə gecə saat 22.15-də baş verib. Reperin konserti təxirə salınıb. Polis atəş açanların sayını və hadisənin hansı zəmində baş verdiyini aydınlaşdıra bilməyib.
Xatırladırıq ki, İrving Plaza konsert zalı min nəfər tamaşaçı üçün nəzərdə tutulub. Atəş açılarkən zalda neçə nəfər tamaşaçının olması barədə dəqiq məlumat verilmir.
İlhamə
Ölkə.Az
