Ermənistan ordusunda xaos
Bu saatlarda yayılan məlumata görə, Ermənistan ordusunda ikinci ölümlə nəticələnən insident baş verib.
Ölkə.Az erməni mediasına istinadən xəbər verir ki, Zəngəzurun Mehri şəhərindəki xəstəxanaya döş qəfəsində dərin bıçaq yarası ilə serjant Akop Qevorqyan gətirilib. Xəstəxanaya gətirilən erməni hərbçisinin yolda keçindiyi məlum olub. Ölüm halını qeydə alan həkimlər onun meyidini morqa göndəriblər.
Məlumata görə, Akop erməni ordusunda baş verən özbaşınalığın qurbanı olub. Onu öldürməkdə şübhəli bilinən Kosoqoblyan həbs edilib.
Xatırladırıq ki, bir neçə saat öncə Dağlıq Qarabağdakı Ermənistan işğal qüvvələrinin hərbçisi Vahe Yeqoyan hərbi hissənin ərazisindən ölü tapılmışdı.
