İraqda terror aktları
İraqda törədilən bir neçə terror aktı nəticəsində ən azı 12 nəfər ölüb.
Ən qanlı terror aktı Bağdaddan 25 kilometr şimalda yerləşən Tarmiya şəhərində baş verib. Axtarış aparılan evdə minanın işə düşməsi nəticəsində güc strukturlarının 5 əməkdaşı ölüb, daha üçü isə yaralanıb.
Digər terror aktı Bağdadın cənubunda Əbu Dişər rayonunda törədilib. Partlayış zamanı 3 nəfər dünyasını dünyasını dəyişib, daha on nəfər yaralanıb.
Daha iki partlayış isə Bağdadın şimalında Səba əl-Bir və Mişad rayonlarında həyata keçirilib. Hücumlar dörd nəfərin həyatına son qoyub, 16 nəfər isə yaralanıb. (oxu.az)
