Səudiyyə Ərəbistanı və İran razılaşdı

Səudiyyə Ərəbistanı və İran arasında Həcc məsələləri ilə bağlı razılşama əldə edilib

Ölkə.Az "Anadolu" agentliyinə istinadən xəbər verir ki, bu barədə Səudiyyə Ərəbistanının həcc məsələləri üzrə naziri Hüseyn Şərif məlumat verib.

"Biz Səudiyyə Ərəbistanında işgüzar səfərdə olan İranın Həcc Ziyarətinin Təşkil İdarəsinin nümayəndə heyəti ilə danışıqlarda İrandan gələn zəvvarların ölkəmizdəki müqəddəs yerlərə səfərləri ilə bağlı əsas məsələlər üzrə razılıq əldə etmişik", deyə nazir vurğulayıb.

Onun sözlərinə görə tərəflər arasında müvafiq saziş imzalanıb.

H. Şərif zəvvarların viza məsələlərinin əsas müzakirə mövzularından biri olduğunu bildirib.

"Biz internet vasitəsi ilə elektron formada vizaların qeydiyyatdan keçirilməsinə dair razılığa gəlmişik"- deyə nazir əlavə edib.

İlhamə
Ölkə.Az