NATO-dan İspaniyaya ağır

NATO İspaniyanı Rusiyaya kömək etməklə alyansın maraqlarına xəyanət etməkdə ittiham edib

Ölkə.Az xəbər verir ki, NATO İspaniyanı Rusiyaya kömək etməklə alyansın maraqlarına xəyanət etməkdə ittiham edib.

Madrid onlarla rus gəmisinə və sualtı qayığına Gibraltardan 30 kilometr məsafədə yerləşən hərbi bazalarına daxil olmağa və yanacaq doldurmağa icazə verib.

2011-ci ildən bu günə qədər İspaniyaya məxsus Seut limana ən az 57 hərbi təyinatlı rus gəmisi yan alıb. Hərbi analitiklər qeyd ediblər ki, İspaniya limanına o qədər çox rus gəmisi daxil olur ki, Gibraltarı Aralıq dənizində Rusiyanın əsas hərbi bazası adlandırmaq qolar. Bu da Rusiyanın Ukraynada və beynəlxalq arenadakı təcavüzkar fəaliyyəti fonunda İspaniyanın NATO maraqlarını tapdaması deməkdir.

"İspaniyanın Rusiya hərbi gəmilərinə Seutdakı limanından istifadə etməsinə icazə verməsi NATO daxilində həmrəyliyə zərbə vurur. Cənub dənizlərindəki limanlardan istifadə imkanı qazandığı üçün Rusiyanın hərbi təsir dairəsi genişlənir. NATO-nun qarşısında duran əsas vəzifə bu istifadə imkanlarını azaltmaqdan ibarətdir"- deyə ABŞ konqresinin nümayəndəsi Co Pits bildirib.

İspaniyanın Rusiyaya kömək etməsi Gibraltar uğrunda mübarizədə güc nümayişidir. Növbəti insident bu ilin may ayında baş verib. İspan patrul gəmisi Amerikanın sualtı atom qayığına təhlükəli dərəcədə yaxınlaşdığına görə britaniyalı dənizçilər xəbərdarlıq atəşi açmalı olmuşdular.

İlhamə
Ölkə.Az