"Bu kitab bizim üçün bağlandı"

Türkiyə ABŞ-dan pilotsuz uçan aparatlar almayacaq

Ölkə.Az "Anadolu" agentliyinə istinadən bildirir ki, Türkiyə müdafiə sənayesi nazirinin müavini İsmayıl Dəmir Vaşinqtonda danışıqlar aparıb.

Danışıqlar zamanı o bildirib ki, Ankara bir sıra hallarda Vaşinqtondan terrorçuluqla mübarizə məsələlərində kifayət qədər dəstək almayıb.

"Türkiyə NATO-nun müttəfiqi kimi terrorçuluqla mübarizə apardığı bir dövrdə, ABŞ Konqresi Türkiyəyə pilotsuz uçan aparatların və bəzi silah növlərinin satılmasına qarşı qərar qəbul etdi. Amerika Konqresinin bu mövqeyinə qarşı, Ankara 2013-cü ildən başlayaraq yerli pilotsuz uçan aparatların istehsalının yaradılması üçün ciddi tədbirlər görür. Belə texnologiyanın yaradılmasına müəyyən zaman lazımdır. Lakin, biz artıq bu məsələdə ciddi nailiyyətlər əldə etmişik", deyə türk nazir müavini vurğulayıb.

Dəmirin sözlərinə görə, Türkiyə bundan sonra Amerikadan pilotsuz uçan döyüş aparatları almayacaq.

"Bizim üçün bu kitab bağlanmışdır", - deyə o, sözlərinə əlavə edib.

Türkiyəli siyasətçi qeyd edib ki, Vaşinqtonun Amerikaya bir sıra hərbi təyinatlı sistemləri satmaqdan imtina etməsi Türkiyənin müdafiə sənayesinin inkişaf etdirilməsinə mane ola bilməz.

İlhamə
Ölkə.Az