Suriya aviasiyası yenə dinc sakinləri vurdu: 8 ölü, 17 yaralı

Hələbdə hava zərbələri nəticəsində 8 nəfər ölüb, 17 nəfər yaralanıb

Ölkə.Az xəbər verir ki, Bəşər Əsəd rejiminin Hərbi Hava Qüvvələri müxalifətin nəzarətində olan Hələb vilayətinə hava zərbələri endirib.

Hava hücumları nəticəsində 8 nəfər ölüb, 17 nəfər yaralanıb. Əsasən Hreytan və Anadan rayonları, eləcə də Kəfr-i-Həmra və Həyan yaşayış məntəqələri hədəf götürülüb.

Hava zərbələri nəticəsində regiona ciddi maddi ziyan dəyib. Artıq 3 ildir bu ərazidə elektrik enerjisi təchizatı dayandırılıb, regionun infrastrukturu tamamilə məhv edilib, yollar istifadəsiz hala düşüb.

İlhamə
Ölkə.Az