ABŞ-dan Ərdoğana şok
ABŞ-da həbs olunan Rza Zərrabın haqqında toplanan istintaq materiallarına Türkiyə prezidenti Rəcəb Tayyib Ərdoğanın da adı daxil edildi.
Ölkə.Az xəbər verir ki, Ərdoğan adının istintaq materiallarına salınmasına Rza Zarrabın vəkilinin təqdim etdiyi sənədlər səbəb olub. İstintaq materiallarını hazırlayan prokuror Bharara Zərrabın vəkilinin təqdim etdiyi sənədlərdə onun "xeyriyyəçi insan" imicini gücləndirmək üçün bağışladığı ianələrin qəbzlərini araşdırdırdıqda Türkiyə prezidentinin həyat yoldaşı Əminə Ərdoğanın təsisçisi olduğu TOGEM-DER adlı dərnəyə "bağışladığı" 7 milyon dolları "Zərrab ilə Türkiyədəki rəsmiləri arasındakı əlaqənin sübutu" kimi dəyərləndirib.
Prokuror Bhararanın Nyu-York Cənub Əyalət Məhkəməsinə təqdim etdiyi "Zərrabın kəfalət müraciətinin rədd edilməsi" raportunda onun türk rəsmiləri ilə sıx əlaqələr qurduğunu vurğulayıb. Prokuror həmin raportda qeyd etdiyi siyahıda Əminə Ərdoğanın adına da yer verib.
Əminə Ərdoğanın təsisçisi olduğu həmin dərnəkdə idarəçililərdən olan eks-nazir Egemen Bağışın həyat yoldaşı Beyhan Bağışın adı da Bhararanın raportuna salınıb.
Həm Zərrabın vəkilinin təqdim etdiyi sübutlar və şərti azadlığa müraciət ərizəsi, həm də Prokuror Bhararanın təqdim etdiyi raporta uyğun 2 iyunda baş tutması gözlənilən məhkəmə iclasında qərar veriləcək.
"TÜRKİYƏYƏ GETSƏ QAYITMAYACAQ"
Prokuror Bhararanın raportunda Zərrabın prezident Ərdoğan, o cümlədən digər türk rəsmiləri ilə sıx əlaqələr yaratdığı üçün onun şərti azadlığa buraxılacağı təqdirdə Türkiyəyə qaçacağı, bu halda isə heç bir şəkildə onu geri qaytarmağın mümkün olmayacağı yazılıb.
Zərrabın maliyyə vəziyyətinin çox yaxşı olduğu, vəkilinin girov üçün təklif etdiyi 10 milyon dollar nəğd pulun və 40 milyon dollar da bank çeki olaraq veriləcək zəmanətin Zərrab üçün vacib bir məbləğ olmadığı vurğulanıb. Həmin raporta Zərrabın mal varlığı miqdarının təxmin edilməsi üçün sahibi olduğu yaxta, təyyarə kimi bəzi fotolar da daxil edilib.
PROKUROR ZƏRRABIN 1 İLDƏ 30 MİLYON DOLLAR RÜŞVƏT VERDİYİNİ BİLDİRİR
Prokuror Bhararanın məhkəməyə təqdim etdiyi raportda Rza Zərrabın Türkiyədə verdiyi iddia edilən rüşvətlər də yer alıb. Onun şərti azadlığa çıxması üçün məhkəməyə zaminlik üçün təklif etdiyi məbləğə toxunularaq bu ifadəyə yer alıb; "Girov üçün təklif edilən pul miqdarı onun təkcə 2013-ci ildə payladığı rüşvətdən azdır."
EKS-NAZİRLƏRİN DƏ ADI BHARARANIN DOSYESİNDƏ
Bhararanın hazırladığı raportdakı "Zərrabın korrupsiya əlaqələri" hissəsində üç sabiq nazir - Zəfər Çağlayan, Egemen Bağış və Müəmmər Gülərin adları yer alıb.
Bu hissədə həmçinin "Halkbank"ın sabiq rəhbəri Süleyman Aslan ilə, Çağlayanın qardaşı Şenol Çağlayanın adları da var.
PROKUROR ZƏRRABLA İLK GÖRÜŞDƏN RAZI QALMAYIB
Bharara raportunda Zərrabın ilk dindirilməsində bir çox məsələlərdə həqiqətləri gizlətdiyi, bəzi ölkələrə etdiyi səfərləri dandığı, hətta mal varlığı mövzusunda danışmaq istəmədiyini qeyd edib.
