Britaniya Aİ-dən çıxsa Şotlandiyada yeni müstəqillik referendumu keçiriləcək

"Əgər Birləşmiş Krallıq Avropa İttifaqından çıxsa, Şotlandiyada iki il ərzində yenidən müstəqillik referendumu keçiriləcək",- deyə Şotlandiyanın sabiq birinci naziri Aleks Simond bildirib.

Bu barədə Ölkə.Az "Anadolu" agentliyinə istinadən məlumat verir.

A.Salmond BBC telekanalında Böyük Britaniyanın Avropa İttifaqından çıxması üzrə referenduma həsr olunmuş proqramda iştirak edib.

"Əgər iyunun 23-də Şotlandiya öz iradəsindən asılı olmayaraq Avropa İttifaqından çıxsa, o zaman biz iki il ərzində müstəqilliyə dair referendum keçirə bilərik. Mənə belə gəlir ki, bu dəfə Şotlandiya Britaniyanın tərkibindən çıxmağa səs verərəcək",- deyə o bildirib.

Buna cavab olaraq Böyük Britaniyanın hakim Konservativlər Partiyasının nümayəndəsi Liam Foks deyib: "Avropa İttifaqının tərkibində qalmaq üçün ölkə əhalisini yeni referendumun keçirilməsi ilə hədələmək lazım deyil".

Bu yaxınlarda keçirilən sorğunun nəticəsinə əsasən britaniyalıların 60%-i hesab edir ki, ölkə Avropa İttifaqına üzvlüyünü qoruyub saxlamalıdır.

İlhamə
Ölkə.Az