Niderlandda insan embrionları yetişdiriləcək

Tədqiqatların aparılmasında məqsəd sonsuzluğun müalicə edilməsidir

Ölkə.Az xəbər verir ki, Niderland hökuməti laboratoriya şəraitində insan embrionunun yetişdirilməsinə icazə vermək niyyətində olduğunu elan edib.

Ölkənin səhiyyə naziri Edit Sxippers bəyan edib ki, o, elmi araşdırmalar üçün embrionların yaradılmasını və insanlara sağlam övladlara sahib olmaq imkanını vermək istəyir.

"Tədqiqatlar sonsuzluq, süni reproduksiya, irsi və anadangəlmə xəstəliklərə həsr olunub. Bizim məqsədlərimizdən biri də erkən yaşda xərçəng xəstəliyinə tutularaq nəsil vermək qabiliyyətini itirmiş insanlara valideyn olmaq sevincini yaşatmaqdır",- deyə bəyanatda bildirilir.

İlhamə
Ölkə.Az