İŞİD yeni şəhərə hücum etdi
Özünü İslam Dövləti adlandıran (İD) qruplaşma Suriyanın şimalındakı Marea şəhəri üzərinə hücuma keçib.
Silahlı müxalifət qrupları və cihadçıların sosial şəbəkələrinə əsasən üsyançıların əlində olan şəhərə həmlə şənbə gününə keçən gecə başlayıb.
Marea cümə günü raket atəşinə tutulan Türkiyənin Kilis şəhəri yaxınlığında yerləşir. İD döyüşçüləri içində partlayıcı yerləşdirilmiş avtomobil və tanklardan istifadə edirlər.
BMT Türkiyə ilə sərhəd yaxınlığındakı bölgə əhalisinin atəş altına düşdüyünü bildirib.
Döyüş zonasında 165 min adamın qaldığı güman edilir. (milli.az)
