Suriya müxalifətinin danışıqlardakı nümayəndəsi istefa verib

Suriya müxalifətinin danışıqlar üzrə səlahiyyətli nümayəndəsi istefa verib

Ölkə.Az "Reuters" agentliyinə istinadən xəbər verir ki, Suriya müxalifətinin Bəşər Əsədlə danışıqlar üzrə səlahiyyətli nümayəndəsi Məhəmməd Alluş öz postunu tərk edəcəyini bildirib. O, öz qərarı barədə bazar günü məlumat verib.

Məhəmməd Alluş bu qərarını ölkədə siyasi qərarların alınmasına və hökumət qoşunları tərəfindən işğal edilmiş rayonlarda əhalinin vəziyyətinin yaxşılaşmasına gətirib çıxaracaq sülh danışqılarının uğursuz nəticələnməsi ilə əlaqələndirib.

M.Əlluş bildirib ki, danışıqlar aparılmasına baxmayaraq, hərbi əməliyyatlar zamanı Əsəd tərəfdarları tərəfindən əsir götürülmüş min nəfərin azad edilməsinə, eləcə də B.Əsədin hakimiyyəti dinc yolla tərk etməsinə nail olunmayıb.

İlhamə
Ölkə.Az