Tehran sosial şəbəkələr qarşısında tələb qoydu

Tehran xarici sosial şəbəkələr qarşısında iranlı istifadəçilər haqqında məlumat vermək tələbi qoyub

İranın Kiberməkan üzrə Ali Şurası bəyan edib ki, ölkədə fəaliyyət göstərən və sosial şəbəkə operatoru olan xarici şirkətlər bir il ərzində bu serverlərin xidmətindən istifadə edən iranlılar barəsində məlumat verməlidirlər.

Bu barədə Ölkə.Az İran mətbuatına istinadən məlumat verir.

Şuranın bu qərarı iranlı sosial şəbəkə istifadəçilərinin narahatlığına səbəb olub.

İranda internetdən istifadəyə dair sərt qanunlar hökm sürür. Bir çox iranlıların qoyulan məhdudiyyətlərdən yan keçərək öz istifadə dairəsini genişləndirməsinə qarşılıq olaraq İranın müvafiq dövlət qurumları sərt qaydala qarşı çıxan bloqerlərə qarşı təzyiqi gücləndirir.

May ayının ortalarında İran polisləri sosial şəbəkələrdə baş örtüyü olmadan fotoşəkillərini paylaşan qadınları və bu şəkilləri çəkən fotoqrafları həbs etmişdi.

İlhamə
Ölkə.Az