"Bir terror təşkilatı ilə əməkdaşlıq etmək..."

Türkiyənin xarici işlər naziri Mövlud Çavuşoğlu ABŞ-ı tənqid edib və Rusiya ilə münasibətlərin normallaşacağını istisna etməyib

Ölkə.Az "Anadolu" agentliyinə istinadən xəbər verir ki, Türkiyə xarici siyasət idarəsinin başçısı ABŞ-ı ikili standartlar yürütməkdə ittiham edib.

"Bir terror təşkilatı ilə mübarizədə digəri ilə əməkdaşlıq etmək insanlığa yaraşmaz"- deyə M.Çavuşoğlu ABŞ-ın PKK-nın Suriya qanadı olan PYD-ni dəstəkləməsi barədə bəyanatları şərh edərkən bildirib. Onun sözlərinə görə, PYD-nin əsl məqsədi Suriyada mövqeyini möhkəmləndirməkdir. "Suriyanın gələcək ssenarisi PYD amili ilə çox dumanlıdır. Biz Vaşinqtonu xəbərdar etdik. Lakin Rusiya və ABŞ PYD-nin şəxsində özlərini müttəfiq görürlər və bu təşkilatı dəstəkləyirlər. Bu, Türkiyənin nöqteyi nəzərindən yolverilməzdir",-deyə M.Çavuşoğlu bildirib.

O, həmçinin Vaşinqtonun Türkiyəyə raketdaşıyıcı artilleriya komplekslərinin tədarükünü ləngitməsinə diqqət çəkib.

"Təəssüf ki, ABŞ vədlərinə əməl etmir. Biz kompleksləri qəbul etməyə hazırıq. Bunun əvəzində ABŞ Suriyaya uniformalarına terrorçuların nişanları bərkidilmiş hərbçiləri göndərir. Belə mövqe müttəfiqlər arasında qəbuledilməzdir. Bu ikili standartlar deməkdir", deyə Türkiyənin XİN başçısı vurğulayıb.

İlhamə
Ölkə.Az