\"Almaniya parlamentinin sənədi bizim üçün adi kağız parçasıdır\"

Parlament 1915-ci il hadisələrini müzakirə etmək haqqına sahib deyil.

Ölkə.Az xəbər verir ki, Türkiyə baş nazirinin müavini Numan Kurtulmuş almaniyalı parlamentariləri tarixi siyasiləşdirməkdən çəkinməyə çağırıb.

1915-ci ildə Osmanlı dövlətində baş vermiş hadisələrə dair sənədin Almaniya federal qanunverici orqanının gündəliyinə daxil edilməsini şərh edən N.Kurtulmuş deyib ki, 1915-ci ildə baş verən hadisələrin təfərrüatına varmaq parlamentin səlahiyyətlərinə daxil deyil.

"Heç kim belə məsələlərdə parlamentlərin rəyinə qulaq asmayacaq. Parlamentlərin vəzifəsi tarixi hadisələri qaranlıq hesablaşmalar üçün istifadə etməkdən ibarət deyil", deyə o qeyd edib.

Türkiyəli politoloq bildirib ki, Almaniya Türkiyə münasibətlərinin kökü birinci dünya müharibəsi illərinə dayanır və dostluq, müttəfiqlik prinsipləri üzərində qurulub, iki ölkənin xalqları arasında dostluq münasibətləri mövcuddur. Lakin Almaniya parlamenti heç nəyə baxmayaraq bu sənədi müzakirəyə çıxararsa, o zaman bu sənəd Ankara üçün adi kağız parçasından başqa bir şey olmayacaq",- deyə o vurğulayıb.

İlhamə
Ölkə.Az