"Avropada yaşamaq istəyən xristianlığı qəbul etsin!"

Avropaya gedən müsəlman miqrantlar məcburən xristianlığı qəbul edirlər

Kilsələr sığınacaq ala bilməyən qaçqınlara qucaq açır.

Ölkə.Az "Anadolu" agentliyinə istinadən xəbər verir ki, qeyri-leqal yollarla Almaniya və Avstriyaya gəlmiş Əfqanıstan, Pakistan və İran qaçqınları sığınacaq hüququ ala bilmək üçün xristianlığı qəbul edirlər.

Almaniya Müsəlmanları Mərkəzi Şurasının sədri Ayman Mazek agentliyə bildirib ki, qaçqınların bir hissəsi qanuni qaçqın statusu almaq üçün belə bir yola əl atırlar.

"Bizim əlimizdə xristianlığı qəbul edən müsəlmanların sayının artması barədə məlumat var",- deyən Mazek əlavə edib ki, Almaniya hökuməti müraciətlərə baxarkən dini və etnik amillərə üstünlük verməməlidir.

Dini təzyiq riski sığınacaq almaq prosesini sadələşdirir.

Məlumatda bildirilib ki, hər həftə Vyana Arxiperiyasına xaç suyuna salınmaq üçün 5-10 müsəlman müraciət edir. 2015-ci ildə bu məqsədlə müraciət edən müsəlman qaçqınların sayı 33% təşkil edirdisə, 2016-cı ildə bu göstərici 83%-ə yüksəlib.

Bu hesablamalar əsasında son 8 ayda 170 müsəlmanın dinini dəyişdiyi məlum olub. Onların əksəriyyəti Suriya, Pakistan və İran vətəndaşlarıdırlar.

İlhamə
Ölkə.Az