Türkiyənin Liviyadakı səfirliyi yenidən açılır
Türkiyənin paytaxt Tripolidə (Liviya) səfirliyi yenidən fəaliyyətə başlayacaq.
Ölkənin xarici işlər naziri Mövlud Çavuşoğlu səfirliyin yenidən fəaliyyətə başlaması ilə əlaqədar mayın 30-da Liviyaya səfər edib.
Məlumata görə, türkiyəli diplomat səfər çərçivəsində 2016-cı il martın 30-da razılaşma əsasında yaradılan Liviya Milli Barışıq Hökuməti Sədrlər Şurasının başçısı Fayez Mustafa əl-Sarraj və xarici işlər naziri Məhəmməd Tahir Siyala ilə görüşəcək.
Qeyd edək ki, 2014-cü ildə təhlükəsizliklə bağlı vəziyyət pisləşdiyindən Türkiyənin Liviyadakı səfirliyinin əməkdaşları ölkədən təxliyə edilmiş, diplomatik qurum bağlanmışdı. (report.az)
