\"Taliban\"dan növbəti qanlı aksiya: 16 ölü, 30 girov

"Taliban" terrorçuları 16 nəfəri qətlə yetirib, 30 nəfəri girov götürüblər

Ölkə.Az Rusiya KİV-lərinə istinadən bildirir ki, Taliban hərəkatının döyüşçüləri Əfqanıstanın Kunduz vilayətində 3-4 sərnişin avtobusuna hücum edərək 16 nəfəri qətlə yetiriblər. 30-dan çox insanın əsir götürüldüyü bildirilir.

Yerli polis isə ölənlərin sayının 17 nəfər olduğunu bildirib.

Əfqanıstanda NATO qoşunlarının hərbi missiyası başa çatdıqdan sonra 40 mindən 60 min nəfərə qədər üzvü olan Taliban terror təşkilatının əhatə dairəsi daha da genişlənib. Ölkədə vəziyyət daha da kəskin vəziyyət alıb.

İlhamə
Ölkə.Az