İslam Partiyasının liderləri ömürlük həbs edildilər

Tacikistanın İslam Partiyasının liderləri terrorçuluqda ittiham olunaraq ömürlük həbs ediliblər

Tacikistanda ölkədə qadağan edilmiş İslam Partiyası tərəfdarlarının hay-küylü məhkəmə prosesi başa çatıb.

Düşənbə məhkəməsi ölkənin İslam Partiyasının sədr müavinlərini ömürlük həbs cəzasına məhkum edib. Daha 14 nəfər partiya üzvləri 15 ildən 28 ilə qədər azadlıqdan məhrum olunublar. Həbs cəzası alanlardan yalnız biri qadındır.

Partiya rəhbərlərindən biri 44 yaşlı Zərifə Rəhmoni iki il müddətinə azadlıqdam məhrum edilib. Onlar keçən il ölkənin keçmiş müdafiə naziri, general Əbdülhəlim Nazarzadəyə qarşı silahlı əməliyyatdan sonra həbs ediliblər.

Partiya üzvləri terrorçuluq, ekstremizm, dövlət çevrilişi, qətl kimi bir sıra ağır cinayətlər törətməkdə ittiham olunublar.

İlhamə
Ölkə.Az