Avropada 5 nəfər daşqınların qurbanı oldu

Ölkə.Az "BBC"yə istindən xəbər verir ki, bu gün Almaniya və Fransada baş vermiş daşqınlar nəticəsində ən azı 5 nəfər həlak olub.

Almaniya Xilasetmə Xidmətinin məlumatına görə, Bavariyanın Zimbax Am İnn şəhərində dörd nəfərin cəsədi tapılıb. Fransada isə bir nəfər yaşlı qadın suda boğulub.

Bir çox şəhərlər su altında qalıb. Şəhər küçələrində suyun səviyyəsi bir neçə metrə çatıb. Daşqınlara aramsız yağan leysan yağışları səbəb olub. İnsanlar helikopterlərlə təxliyə edilirlər.

Meteoroloqların proqnozlarına görə, yaxın günlərdə suyun səviyyəsi daha da qalxmaqda davam edəcək. Dəymiş ziyan hələlik hesablanmasa da, artıq hər iki ölkəyə külli miqdarda ziyan dəydiyi aydın görünür.

İlhamə
Ölkə.Az