Merkeldən Ərdoğanın bəyanatına

Merkel Ərdoğanın miqrantları ölkədən çıxaracağı ilə bağlı hədələrinə çox sərt cavab verib.

AFR kansleri Türkiyə prezidentini təxribatçı bəyanatlar verməkdə ittiham edib.

Ölkə.Az "Anadolu" agentliyinə istinadən xəbər verir ki, Ankela Merkel Rəcəb Tayyib Ərdoğanın təxribatçı bəyanatlarına baxmayaraq Türkiyənin miqrasiya sazişinin bütün şərtlərini yerinə yetirməli olduğunu söyləyib.

O, həmçinin əlavə edib ki, Ankara viza rejiminin dəyişdirilməsi üçün qarşısına qoyulan 72 şərtin hamısına əməl etməyib.

Merkel əlavə edib ki, bütün bu məsələlər Brüssel və Ankara arasında danışıqlar zamanı həll olunmalıdır.

Xatırladaq ki, Türkiyə prezidenti Rəcəb Tayyib Ərdoğan bildirmişdi ki,əgər Avropa İttifaqı türklər üçün viza rejimini dəyişməsə, Ankara miqrasiya sazişinə əməl etməyəcək.

İlhamə
Ölkə.Az