Amerikalı professor yüksək qiymət ala bilməsi üçün tələbəyə sidik içirib

Ölkə.Az Türkiyə mətbuatına istinadən məlumat verir ki, Amerikanın Briqham Younq Universitetində psixologiya və inkişaf biologiyası dərsi verən professor Yason Hansen bir qız tələbədən bütün auditoriya önündə sidik olduğunu iddia etdiyi mayeni içməyi tələb edib. Yalnız 3 gün sonra o tələbəyə içdiyi mayenin sidik olmadığını söyləyib.

Bu məqamı lentə alan tələbələrdən birinin görüntünü sosial şəbəkələrdə yaymasından sonra hadisə səs-küyə səbəb olub.

Amerikanın Fox13 telekanalına müsahibə verən professor deyib: "Mən sidik içməyə könüllü olarsanmı dedim, o da razılaşdı. Mən bunu bir psixoloji təcrübə olaraq həyata keçirirəm. Əvvəllər də belə təcrübələrim olub və heç bir şikayət almamışam. Sonrakı dərsdə bütün sinifə o mayenin əslində sidik olmadığını anlatdım",- deyə professor bildirib.

Universitet hadisə ilə bağlı heç bir açıqlama verməyib.

İlhamə
Ölkə.Az