Xəstəxanada dəyişik düşən uşaq 9 ay sonra valideynlərinə qaytarılıb

Salvadorlu ana ilə ingilis əri 9 aylıq övladlarını nəhayət ki, ABŞ-dakı evlərinə apara biliblər.

Ölkə.Az Türkiyə mətbuatına istinadən bildirir ki, hamiləykən Salvadora gedən Mersedes Casanellas 2015-ci ilin may ayında vətənində övladını dünyaya gətirib. Körpə böyüdükcə onun rənginin ata-anasının rəngindən kəskin şəkildə fərqlənməsi ailədə şübhə yaradıb və onlar DNK testi vermək qərarına gəliblər.

Analiz nəticəsində Mersedesin uşağın əsl anası olmadığı ortaya çıxıb. Uşağın atası Richar Cushvort balacanı öz doğma övladı olaraq qəbul etdiyini, hətta DNK analizi verərkən bir xeyli mənəvi əziyyət çəkdiyini dilə gətirib.

Uşağın öz həqiqi valideynlərinə qaytarılması prosesi ABŞ və Salvador səfirlikləri vasitəsi ilə həyata keçirilib. Sənədləşmə prosedurları 5 ay davam edib. "Ən çətini aylarla baxıb böyütdüyüm körpədən ayrılmaq oldu",- deyə Mersedes bildirib.

İlhamə
Ölkə.Az