Suriya İordaniyanı terrorçuları silahla təmin etməkdə ittiham etdi
Ölkə.Az xəbər verir ki, rəsmi Dəməşq BMT-yə göndərdiyi məktubda İordaniyanın Suriyada terrorçuları silahlandırdığını bildirib. Müvafiq məktub BMT-nin baş katibinə və BMT Təhlükəsizlik Şurasının sədrinə göndərilib.
Sənəddə iki insident barədə məlumat verilir. Məlumatda deyilir ki, "Sünni gənclər dəstəsi" silahlı terrorçu qruplar İordaniyadan Suriyanın Busra əş -Şam şəhərinə 13 qatarla silah, döyüş sursatları və artilleriya avadanlıqları gətiriblər. Həmçinin, terrorçu qruplaşmalar İordaniyadan Suriya ərazisinə 14 hərbi avto nəqliyyat vasitəsi keçirdiyi bilinir.
Rəsmi Dəməşq "İordaniya rejiminin bu hərəkəti və onun Suriyadakı terrorçu qruplaşmaları dəstəkləməsi beynəlxalq hüquq prinsiplərinin pozulması deməkdir. Bundan öncə Suriya Səudiyyə Ərəbistanı, Türkiyə və Qətərin də ölkədə terror aktları təşkil etməsi ittihamı ilə BMT-yə müraciət etmişdi.
