Şahzadəni qarət etdilər

Belçika şahzadəsi qarət olunub.

Ölkə.Az Anspress-ə istinadən məlumat verir ki, Belçika kralının doğma bacısı şahzadə Astrid quldurların qurbanı olub. Bu haqda məlumatı "Fiqaro" qəzeti yayıb. 

İnsident iyunun 2-si Paris yaxınlığında A86 trasında baş versə də, KİV bu haqda yalnız bir neçə gün sonra məlumat əldə edib. Quldurlar şahzadənin olduğu avtomobil şüşəsini sındırıblar və ona məxsus çantanı götürüblər. Çantada sənədlər və 2000 avro nəğd pul olub.

Sen-Sen Deni departamentinin polisi faktla bağlı araşdırma aparır. 

Oxşar hadisə bu yaxınlarda Roma Papasının qohumunun da başına gəlib. Argentinada Roma Papası Fransiskin bacısının oğlu Xose İqnasio Berqolyo oğruların qurbanı olub. Buenos-Ayres yaxınlığında yaşayan Berqolyonun avtomobilini iki şəxs saxlayıb və maşına minərək bir neçə küçə keçərək insanların olmadığı yerdə saxlamağa vadar ediblər. Daha sonra cinayətkarlar onu bıcaqla təhdid edərək maşınında olan pulu, üst geyimini və paltarla dolu kisəni götürüb hadisə yerindən uzaqlaşıblar.