Səudiyyə Ərəbistanı ABŞ-a satdığı neftin qiymətini qaldırdı
Səudiyyə Ərəbistanı ABŞ-a satdığı neftin qiymətini artırıb.
Ölkə.Az xəbər verir ki, Ər-Riyad Avropaya satdığı neftin qiymətini azaldıb, amma ABŞ-a satdığı neftin qiymətini artırıb.
Məlumata görə, Səudiyyə Ərəbistanının ABŞ-a satdığı neftin qiyməti 10 sent artıb. Ər-Riyad Avropa bazarlarına çıxardığı neftin bir barelinin qiymətini 35 sent aşağı salıb.
Analitiklərin fikrincə, Səudiyyə Avropaya gələn İran neftinin qiymətini öldürmək istəyir. ABŞ bazarının İran neftinin üzünə bağlı olması isə ərəblərə buraya satdıqları neftin qiymətlərini qaldırmaq imkanı verir və beləliklə Ər-Riyad Avropada itirdiklərinin az hissəsini də olsa ABŞ-a satdığı neftlə kompensasiya etmək istəyir.
