Əfqanıstanda amerikalı jurnalist öldürüldü

Fotomüxbir əfqan ordusunun bölmələri ilə birlikdə gülləbarana məruz qalıb

Ölkə.Az "İnterfaks" agentliyinə istinadən xəbər verir ki, amerikalı fotomüxbir Devid Qilki Əfqanıstanda öldürülüb.

Bu barədə jurnalistin işlədiyi ABŞ ictimai radiosu məlumat yayıb. Qilki ilə birlikdə onun tərcüməçisi Zabihulla Təmənna da öldürülüb.

Onlar Gilmənd vilayətində, ordu hissələri ilə birlikdə döyüşlər barədə reportaj hazırlamağa gedərkən hücuma məruz qalıblar. Devid Qilki Əfqanıstan və İraqda baş verən hadisələri işıqlandırırdı. O həmçinin İsrail və Həmas arasındakı münaqişələri, Cənubi Afrikada aparteid rejiminin çökməsini, Haitidə dağıdıcı zəlzələni, Somalidə aclıq nəticəsində yaşanan fəlakəti, Liberiyada ebola virusunun yaratdığı faciəni işıqlandıraraq dünyaya məlumat vermişdi.

İlhamə
Ölkə.Az