Məhəmməd Əlinin dəfn mərasimi stadionda keçiriləcək

Onun cənazəsini Lennoks Lyuis və Uill Smit aparacaq

Ölkə.Az “Associated Press" agentliyinə istinadən məlumat verir ki, hələ 2010-cu ildə Məhəmməd Əli dəfninin planını tərtib edib.

Boksçunun dəfn mərasimi iyunun 10-da Kentukki ştatında Luisvilldə keçiriləcək. Dəfn internetdə canlı yayımlanacaq. Mərasimdə Türkiyə prezidenti Rəcəb Tayyib Ərdoğan, Amerikanın sabiq lideri Bill Klinton, eləcə də aktyor Billi Kristal iştirak edəcəklər.

Boksçu cəsədinin böyüdüyü kvartaldan keçirilərək aparılmasını istəyib. Ağır çəkidə sabiq mütləq çempion, britaniyalı Lennoks Lyuis və Hollivud aktyoru Uill Smit boks üzrə sabiq dünya çempionu Məhəmməd Əlinin dəfn mərasimində iştirak edəcəklər. Onlar idmançının tabutunu qohumları ilə bir yerdə aparacaqlar.

Onun arzusuna görə, boksçu ilə vidalaşmaq istəyən hər kəsin dəfnə gələ bilməsi üçün mərasim stadionda keçiriləcək. Tabut qəbiristanlığa Əlinin şərəfinə adlanan küçədən, eləcə də idmançının adını daşıdığı muzeyin qarşısından keçirilərək aparılacaq.

İlhamə
Ölkə.Az