Rusiyalı proqramçının başı başqa bədənə köçürüləcək

Cərrah Kanavero: İnsan başının köçürülməsi əməliyyatı Almaniyada həyata keçiriləcək

Ölkə.Az Rusiya KİV-lərinə istinadən xəbər verir ki, məşhur cərrah Secio Kanavero 2017-ci ildə insan başının köçürülməsi əməliyyatını həyata keçirəcəyini bəyan edib.

"Doktor Frankenşteyn" əməliyyatı Almaniyada keçirməyə qərar verib.

Sercio Kanaveronun fikrinə görə, Almaniyada Fransa və Böyük Britaniyada olduğu kimi bu əməliyyatı həyata keçirmək üçün hər bir imkan var.

"Mən bu sensasiyalı əməliyyatı Almaniyada keçirmək istərdim. Bu gün rəsmi şəkildə Almaniyaya müraciət edərək insan başının köçürülməsi əməliyyatını reallaşdırmaq üçün kömək istəyirəm. Bu əməliyyata faktiki olaraq alman həkimlər cəlb olunublar",- deyə o qeyd edib.

Başının başqa bədənə köçürülməsini istəyən pasiyent isə rusiyalı proqramçı Valeri Spiridionovdur. Əməliyyatda onlarla həkimin iştirakı gözlənilir.

Qeyd edək ki, Kanaveronun bir meymunun başının digər meymunun bədəninə köçürülməsi üzrə əməliyyatı uğurlu alınıb.

İlhamə
Ölkə.Az