Rusiyanın neftdən və qazdan gələn gəlirlərinin nə qədər azaldığı açıqlandı
Rusiya Federasiyasının Dövlət Gömrük Komitəsi 2016-cı ilin birinci yarısı üçün hazırladığı hesabatı açıqlayıb.
Ölkə.Az xəbər verir ki, Rusiya DGK-nin hesabatını iqtisadçılar sözün əsl mənasında iqtisadi fəlakətin xəbərçisi adlandırırlar.
Komitənin hesabatına görə, Rusiya fedaral büdcəsinin gəlirlərinin 80%-dən çoxunu formalaşdıran neft və qaz ixracatından gələn gəlirlər kəskin şəkildə azalıb. Hesabatda verilən rəqəmlərə görə, Rusiyanın qaz ixracatından 2016-cı ilin ilk 4 ayında əldə etdiyi gəlir 28,9%, neftdən gələn gəlir isə 36% azalıb.
Bunun nəticəsində Rusiyada bir sıra sosial-iqtisadi layihələr təxirə salınıb və neft-qaz sektorunda işləyənlərin maaşları azalıb. Bu böhranın getdikcə daha da dərinləşəcəyi bildirilir.
