Portuqaliyada ölmüş qadının oğlu dünyaya gəlib

Ölkə.Az "BBC"yə istinadən xəbər verir ki, Portuqaliyada beyin ölümü 4 ay əvvəl baş vermiş qadının övladı dünyaya gəlib. Qeysəriyyə əməliyyatı vasitəsi ilə dünyaya göz açan körpə 32 həftəlikdir. O, tamamilə sağlamdır və 2350 qram çəkiyə malikdir.

Hamilə ana beyninə qan sızması nəticəsində həyatını itirdikdən sonra həkimlər seçim qarşısında qalıblar. Aparılan test sınaqları ana bətnindəki körpənin sağlam olduğunu göstərib. Bu barədə qadının ərinə xəbərdarlıq edildikdən sonra ata hamiləliyin davam etdirilməsinə qərar verib.

Bu, ölmüş ananın bətnində ən uzun müddət qalmış uşaq hesab olunur.

İlhamə
Ölkə.Az