Cadugərlər albinos uşağı oğurlayıb parçaladılar
Afrikada yaşayan albinoslar daima ölüm təhlükəsindədirlər
Qara magiya ilə məşğul olan cadugərlər onları oğurlayaraq öldürür, bədənlərinin parçalarını çox baha qiymətə satırlar. Bunun böyük uğur gətirəcəyinə inanırlar. Malavidə yaşayan 9 yaşlı albinos uşaq da cadugərlərin qurbanı olub. Anasının qucağında yatan uşağı zorla oğurlayıblar. Ondan geriyə yalnız kəsilmiş başı qalıb.
Uşağın atası və qardaşı da albinosdur. Taksi sürməklə ailəsini dolandıran ata indi işini atıb evdə ikinci oğluna keşik çəkməyə başlayıb.
Albinos xəstəliyi genetik olub, bədənə rəng verən piqmentin çatışmazlığı ilə ortaya çıxır.
İlhamə
Ölkə.Az