Kadırov əfsanəvi boksçunun xatirəsini əbədiləşdirdi
“Rinqdə qəddar və soyuqqanlı olmasına baxmayaraq, həyatda o ən ürəyiaçıq insan idi”.
Çeçenistanın paytaaxtı Qroznı şəhərində prospektlərdən birinə dünyasını dəyişmiş əfsanəvi boksçu Məhəmməd Əlinin adı verilib.
Ölkə.Az xəbər verir ki, bu barədə iyunun 9-da öz Instagram səhifəsində Çeçenistanın rəhbəri Ramzan Kadırov məlumat verib.
Onun sözlərinə görə, Əli böyük idmançı və əsl müsəlman olub.
“Rinqdə qəddar və soyuqqanlı olmasına baxmayaraq, həyatda o ən ürəyiaçıq insan idi”, - Kadırov deyib.
“Gələcəkdə bu prospektdə Məhəmməd Əlinin adına möhtəşəm boks zalı da olacaq. Ümid edirəm ki, burada məşq edən idmançılar dünya boks arenalarında uğurlar əldə edəcəklər”, - Çeçenistan rəhbəri əlavə edib.
Kadırov həmçinin Qroznı şəhərinin meri Müslim Xuçiyevi küçənin seçiminə görə təşəkkür edib. (oxu.az)