\"Əsədin müttəfiqləri də onun özü kimi cinayətkarlardır\"

Ölkə.Az "Anadolu" agentliyinə istinadən xəbər verir ki, Türkiyə Prezidenti Rəcəb Tayyib Ərdoğanın fikrincə dünya birliyi Bəşər Əsədlə bütün əlaqələri kəsməlidir.

"Əminəm ki, bəşəriyyət Əsədlə əlaqələri kəsməli, ondan uzaq durmalıdır. Ona kömək edənlər isə Əsədin törətdiyi cinayətlərə ortaqdırlar ",- deyə Türkiyə prezidenti Amerikada jurnalistlərlə söhbət zamanı bildirib.

Bəşər Əsədi "qatil" adlandıran Ərdoğanın sözlərinə görə, öz vətənində 600 mindən çox insanın ölümünə səbəb olmuş birisini başqa cür adlandırmaq olmaz.

"Əsəd öz ölkəsinin işğalçısına çevrilib, Suriyada 12 miyon insan onun üzündən evini tərk edib. Bu şəxs dövlət səviyyəli terror siyasəti yürüdür. Təkcə Türkiyədə 3 milyon suriyalı qaçqın var", deyən Ərdoğan əlavə edib ki, Bəşər Əsədin onun haqqında söylədiyi heç bir fikrə əhəmiyyət vermir.

İlhamə
Ölkə.Az