Türkiyəli qadınla Məhəmmməd Əlini bağlayan tellər nə imiş?
Ölkə.Az Türkiyə KİV-lərinə istinadən məlumat verir ki, əfsanəvi boksçu Məhəmməd Əlinin ölümü Türkiyə vətəndaşı Əməl Hadduroğlunu çox məyus edib. O, hər gün Məhəmməd Əli üçün dualar oxuyur.
76 yaşlı Əməl deyir ki, 1976-ci ildə o iki övladının çox ağır xəstə olması səbəbi ilə Almaniyaya getməyə məcbur olub. Ağır qan xəstəliyindən əziyyət çəkən uşaqlarının həyatını xilas etmək üçün çalışsa da, almaniyalı həkimlər ona ABŞ-a getməyi tövsiyə ediblər.
"Amerikaya getməyə və uşaqları müalicə etdirməyə imkanım yox idi. O zaman eşitdim ki, Məhəmməd Əli boks turnirində iştirak etmək üçün Almaniyaya gəlir. Mən uşaqları da götürüb onun qaldığı otelə getdim. Məni içəri buraxmadılar. Otelin qarşısında dayanıb yüksək səslə onu səslədim. Məhəmməd Əli səsimi eşitdi və məni yanına çağırdı. O, məsələni bilən kimi Amerikadan həkim dəvət etdi. Övladlarımın həyatı üçün ona borcluyam və ömrüm olduqca minnətdar qalacam",- deyə Əməl xanım qeyd edib.
