Abxaz separatçıları müstəqil olmaq istəyir

Separatçı Abxaziyanın baş naziri Artur Mikvabiya bildirib ki, respublika Rusiyaya birləşmək üçün referendum keçirməyəcək.

Bu barədə Ölkə.Az Rusiya KİV-lərinə istinadən məlumat verir.

Separatçı hökumətin başçısı deyib ki, Suxumi 2017-ci ildə Rusiyaya birləşməyə dair referendum keçirməyi planlaşdıran Cənubi Osetiyanın yolu ilə getməyəcək.

"Osetinlər parçalanmış xalqdır, onların bir hissəsi Rusiyada, bir hissəsi Cənubi Osetiyada yaşayır. Buna görə də Rusiyaya birləşmək istəyirlər. Abxazların vəziyyəti başqadır. Biz müstəqil dövlət olmaq, bununla yanaşı Böyük Rus Dövlətinin etibarlı və sadiq müttəfiqi olaraq qalmaq istəyirik", deyə Mikvabiya qeyd edib.

İlhamə
Ölkə.Az