Futbol azarkeşlərini Parisdə zibil təpələri qarşıladı

Fransa futbol çempionatını dağ kimi yığılmış zibil və nəqliyyat problemləri ilə qarşılayır

Ölkə.Az Anadolu Agentliyinə istinadən xəbər verir ki, Avro-2016 Futbol Çempionatının başlamasına saatlar qalmasına baxmayaraq, yarışlara ev sahibliyi edəcək Fransada əmək qanunvericliyi ilə bağlı etirazlar səngimək bilmir.

Paytaxt Parisdə küçə təmizləyənlərin də etirazlara qoşulması ilə zibil topaları dağ kimi qalaqlanıb. Həmkarlar ittifaqlarının liderləri aksiyaların iyunun 14-nə kimi davam edəcəyini bildirirlər.

Hazırda həmkarlar ittiaqları ilə Fransa Hökuməti arasında danışıqlar aparılır.

Öz növbəsində UEFA etiraz aksiyasında iştirak edən "AirFrance" aviaşirkətindən heç olmasa arbitrləri Avro-2016 oyunlarına aparacağına dair zəmanət tələb edib.

Pilotların etiraz aksiyası iyunun 14-də başa çatacaq.

İlhamə
Ölkə.Az