Əl-Fəllucədə qanlı döyüşlər davam edir

İraqda İŞİD terrorçularının hücumları nəticəsində Əl-Fəllucədə 37 nəfər ölüb, 48 nəfər yaralanıb

Bu barədə Ölkə.Az Anadolu Agentliyinə istinadən məlumat verir. Ölənlərin əksəriyyəti hərbçilər və polislərdir.

Terrorçular Əl-Fəllucənin şimalında Əl-Əzrakiyə rayonunda İraq ordusunun mövqelərinə hücum ediblər. Döyüşlərdə 27 hərbçi və Haşbi-Şəbi şiə müxalifət təşkilatının üzvləri həlak olublar. 13 nəfərin yaralandığı bildirilir.

Əl Fəllucədə avtomobil yolunda bomba partlaması nəticəsində bir polis işçisi ölüb, iki nəfər yaralanıb.

Eləcə də, Zira Diclə rayonunda terrorçu kamikadze İraq ordusuna hücum edib və özünü partladıb. Bu hücum nəticəsində 4 nəfər ölüb, 13 nəfər yaralanıb.

Bağdadın cənub şərqində törədilən iki partlayış 4 dinc sakinin ölümü, 15 nəfərin yaralanması ilə nəticələnib.

İlhamə
Ölkə.Az