Amerikada qətliam törədən Ömər Mətinin atası "Taliban" tərəfdarı çıxdı

Amerikanın Florida ştatının Orlando şəhərində gey kluba hücum edərək 50 nəfəri öldürən və 53 nəfəri yaralayan terrorçu Ömər Mətinin atası "Taliban" terror qruplaşmasına rəğbət göstərir.

Bu barədə Ölkə.Az "The Washington Post" qəzetinə istinadən məlumat verir.

Saddıq Mətin Kaliforniyada yayımlanan Payam-e-Afghan telekanalında Əfqanıstanda ən çox istifadə edilən dəri dilində çıxış edərək əfqan taliblərinə minnətdarlığını ifadə edib.

"Vəziristanda bizim qardaşlarımız, "Taliban" döyüşçüləri ayağa qalxıblar. Allahın izni ilə Düranda xətti problemi yaxın zamanlarda həll olunacaq",- deyə o bildirib.

Qeyd edək ki, Düranda xətti Əfqanıstan və Pakistan arasında münaqişəyə səbəb olan sərhəd zonasıdır.

İlhamə
Ölkə.Az