Almaniya viza rejimi məsələsində Türkiyəyə güzəştə getməyə hazırdır

Ölkə.Az "The Telegraph"a istinadən xəbər verir ki, Almaniya miqrantlar üzrə sazişi qüvvədə saxlamaq üçün Türkiyə vətəndaşlarına vizasız rejimin tətbiq edilməsi məsələsində güzəştə getməyə hazırdır.

Bu barədə Böyük Britaniyanın Berlin və Ankaradakı səfirlərinin məktublarında məlumat verilib.

"Sərt xarici siyasət mövqeyinə baxmayaraq, almanlar Aİ ilə Türkiyə arasında sazişi qoruyub saxlamaq üçün güzəştə gedəcəklər",- deyə Böyük Britaniyanın Berlindəki səfiri Sebastyan Vudun məktubunda bildirilir. Onun fkrincə, Almaniya Türkiyənin qarşısını oktyabr ayına qədər alacaq. Britaniyada keçirilən referendum ərəfəsində Ərdoğan vəziyyəti daha da gərginləşdirmək istəməyəcək.

Lakin Britaniyanın Türkiyədəki səfiri Rçard Mur daha pessimist fikirləşir. "Əgər viza rejiminin sadələşdirilməsi prosesi baş verməsə, həmişə mübarizəyə atılmağa hazır olan, səbirsiz və çılğın Ərdoğan öz vədinə əməl edərək miqrantların Avropaya göndərilməsi prosesini başladacaq",- deyə Mur yazıb.

İlhamə
Ölkə.Az