"Onun psixoloji problemləri var idi"

Ölkə.Az "BBC"yə istinadən məlumat verir ki, Orlandoda gey-klubda qətliam törətmiş Ömər Mətinin keçmiş arvadı onun psixoloji problemləri olduğunu söyləyib.

Qadın bildirib ki, keçmiş əri onu tez-tez döyürmüş və yaxınları ilə əlaqə saxlamağa imkan vermirmiş.

Sitarə Yusufi Ömərlə 2009-cu ildə evlənib, 2011-ci ildə boşanıb. O, steroidlərdən həddindən çox istifadə edirmiş və hər zaman homofob baxışları ilə seçilib. Uzun müddət polisdə işə düzəlmək üçün can atıb. Lakin, o zamanlar Sitarə ərində radikal meyl hiss etməyib.

Agentlik bildirir ki, Ömər Mətin demək olar ki, 10 il G4S mühafizə təşkilatında işləyib, bu təşkilatda işləyən hər bir kəs silahdan dəqiq atəş açmağı bacarmalıdır. Keçmiş həmkarlarının sözlərinə görə, o, qapalı, ünsiyyət sevməyən insan idi, heç vaxt gülümsəmirdi.

İlhamə
Ölkə.Az