"NATO-nun şərqə doğru genişlənməsi Rusiyanın Ukraynadakı hərəkətlərinə cavabdır"
"NATO öz şərq sərhədlərində müdafiə xarakterli tədbirləri artırıb"
Ölkə.Az xəbər verir ki, bu sözləri alyansın baş katibi Yen Stoltenberq deyib.
Brüsseldə NATO ölkələrinin müdafiə nazirlərinin yığıncağında çıxış edən Stoltenberq gördükləri tədbirlərin Rusiyanın aqressiyasına cavab olduğunu bildirib.
"Biz mütəmadi olaraq tərəfdaşlarımızın təhlükəsizliyini təmin etmək üçün kompleks tədbirlər planı həyata keçirəcəyik. Ukraynanın şərqindəki proseslər və Krımın işğalından sonra biz öz şərq sərhədlərimizi möhkəmləndirməkdə davam edirik və bu, Rusiyanın Ukraynadakı hərəkətlərinə cavabdır", - deyə NATO-nun baş katibi vurğulayıb.
