İŞİD-çi Parisi məzarlığa çevirmək istəyirmiş

Dünən Parisdə polis ailəsini öldürmüş qatilin üzərindən gələcək qurbanlarının siyahısı tapılıb.

Parisin terrorçuluqla mübarizə üzrə prokuroru Fransua Molins bildirib ki, bir gün əvvəl Parisdə polis əməkdaşını və həyat yoldaşını qətlə yetirən qatilin üzərindən gələcək qurbanlarının siyahısı tapılıb.

Bu barədə Ölkə.Az "Anadolu" agentliyinə istinadən məlumat verir.

"Polis axtarış zamanı onun üzərindən sui-qəsd hazırlanmış şəxslərin siyahısını tapıb. Onların arasında tanınmış şəxsiyyətlərin, o cümlədən müğənnilərin, jurnalistlərin və polis əməkdaşlarının adları da var", deyə Molins bildirib.

Fransua Molins konkret ad çəkməyib. Onun sözlərinə görə, istintaq davam edir və 3 nəfərin sorğusu aparılır.

Qatil cinayəti törətdikdən sonra sosial şəbəkədə yaydığı video görüntüdə "Avro-2016"nı məzarlığa çevirməklə təhdid edib.

İlhamə
Ölkə.Az