Terroru törədənlərin hamısı ABŞ vətəndaşlarıdır

Ölkə.Az Rusiya KİV-lərinə istinadən məlumat verir ki, Orlando şəhərində gey-klubda törədilən terror aktından sonra Respublikaçılar Partiyasından prezidentliyə namizəd Donald Tramp prezident seçiləcəyi təqdirdə müsəlmanların ölkəyə girişinə qadağa qoyacağını vəd edib.

Buna cavab olaraq ABŞ prezidenti Barak Obama söyləyib ki, ölkədə müsəlmanların diskriminasiyasına yol verməyəcək.

Obama deyib ki, Orlando, San-Bernardino və digər şəhərlərdə baş verən terror aktları ABŞ vətəndaşları tərəfindən törədilib.

Prezident onların dini mənsubiyyət əsasında diskriminasiyaya məruz qoyulmasının yolverilməz olduğunu vurğulayıb:

"Bu, bizim demokratiya ideyalarımızı əks etdirmir. Bu, terrorçuların xeyrinədir, biz buna yol verə bilmərik. Mən buna yol vermərəm!”.

İlhamə
Ölkə.Az